Петропавл тұрғыны көпқабатты үйдің шатырынан секіріп, суицид жасады, деп хабарлайды Qyzyljarnews.kz тілшісі.
Петропавл полиция басқармасына 6 қаңтар күні сағат 12:25 шамасында Жамбыл көшесі, 142 мекенжайындағы көпқабатты үйдің жанында әйелдің жансыз денесі жатыр деген хабарлама түскен.
Оқиға орнына басқарманың жедел-тергеу тобы барған. Полицейлер зардап шеккен әйелдің кім екенін анықтады. Алдын ала болжам бойынша 47 жастағы қала тұрғыны көпқабатты үйдің шатырынан секіріп, өзіне өзі қол салған.
– Аталған факті Қазақстан Республикасы Қылмыстық Кодексі 105-бабы бойынша сотқа дейінгі тергеп-тексерулердің бірыңғай тізіліміне енгізілді. Істің мән-жайын жан-жақты зерделеуге бағытталған тергеу әрекеттері жүргізіліп жатыр. Олардың нәтижелері бойынша түпкілікті процессуалдық шешім қабылданады, – деп хабарлайды СҚО ПД баспасөз қызметі.
