СҚО әкімі өңір тұрғындарын Рождество мерекесімен құттықтады, деп хабарлайды Qyzyljarnews.kz тілшісі.
– Облысымызда тұратын православие христиандарын жарқын мереке –Рождествомен шын жүректен құттықтаймын! Рождество мерекесі сан ғасырлардан бері шаңыраққа шаттық пен қуаныш әкеліп, адамдардың жүректеріне сүйіспеншілік, қайырымдылық және сенім ұялатады. Жалпы рухани құндылықтар мен дәстүрлер қазақстандықтардың бірлігін нығайтады, жақынға қамқорлық, бейбітшілік, діни еркіндік, аяушылық сезімі оның ажырамас бөлігі болып табылады.
Мерекеде ізгі ниеттеріңіз орындалсын, жылылық пен жақсы көңіл-күй сыйласын, сенімдеріңіз нығайсын, рухани байлықтарыңыз молайсын! Отбасыларыңызда молшылық, сенім мен келісім орнасын! Сіздерге және жақындарыңызға денсаулық, табыс, бақыт, бейбітшілік пен махаббат тілеймін!
