Бұған дейін хабарлағандай, қаңтардың 7-сі күні «Мамлютка-Қостанай» трассасында ірі жол апаты тіркелді. «Nissan Murano», «Audi A6» және «Toyota Avensis» автокөліктері соқтығысып, жол-көлік оқиғасы кезінде 1 адам мерт болғанын айтқан едік. Жаңа келіп түскен ақпаратқа сәйкес, тас жолда 2 адам көз жұмды, деп хабарлайды Qyzyljarnews.kz тілшісі.
Көліктер соқтығысунан «Toyota Avensis» автокөлігінің 36 жастағы жүргізушісі мен оның 17 жастағы жолаушысы қайтыс болды. Жол-көлік оқиғасының тағы сегіз қатысушысы (олардың арасында 2014 жылы туған бір кәмелетке толмаған бар) түрлі дене жарақаттармен медициналық мекемеге жеткізілді.
Жол-көлік оқиғасы фактісі ҚР ҚК-нің 345-бабының 3-бөлігі бойынша тіркелді (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы).
