Еңбек және халықты әлеуметтік қорғау министрінің 2022 жылғы 29 желтоқсандағы бұйрығымен мемлекеттік атаулы әлеуметтік көмек тағайындау, төлеу және кепілдік берілген әлеуметтік топтаманы ұсыну қағидаларына өзгерістер енгізілді, деп хабарлайды Qyzyljarnews.kz тілшісі.
Атап айтқанда, 2023 жылғы 1 қаңтардан бастап атаулы әлеуметтік көмек алатын отбасы балаларына берілетін кепілдендірілген әлеуметтік пакет шеңберінде баласына қажет тауарды өз бетінше таңдай алады. Жан басына шаққандағы орташа табысы облыстарда, республикалық маңызы бар қалаларда, астанада белгіленген кедейлік шегінен аспайтын адамға немесе отбасыға шартсыз немесе шартты ақшалай көмек түрінде беріледі.
Бір жастан алты жасқа дейінгі балаларды қоса алғанда, АӘК тағайындау кезеңіне әр балаға 1,5 АЕК (5 174 теңге) мөлшерінде ай сайынғы қосымша төлем төленеді. Бұл шара тағайындалған АӘК-ке қосымша әлеуметтік қолдау шарасы ретінде қарастырылған және азық-түлік және тұрмыстық химия түріндегі кепілдендірілген әлеуметтік пакет (ГСП) ретінде ұсынылды.
