СҚО аумағында ауа температурасының төмендеуіне байланысты қаңтардың 10-ы сағат 20:00-ден бастап республикалық маңызы бар автомобиль жолдарының 4 учаскесінде дизель отынында жүретін теміртұлпарлар мен қоғамдық көліктердің қозғалысы шектелді, деп хабарлайды Qyzyljarnews.kz тілшісі.
— М-36 «Ресей Федерациясы шекарасы бойынша (Екатеринбургке) – Алматы, Қостанай, Астана, Қарағанды арқылы» 856-834 шақырымында (Ақмола облысының шекарасынан Чистополье ауылына дейін);
— А-1 «Астана-Петропавл» 341-367 шақырымында (Ақмола облысының шекарасынан Келлеровка ауылына дейін);
— А – 13 «Көкшетау – Кішкенекөл – Бидайық-РФ шекарасы (Омбыға)» 50-85 шақырымында (Ақмола облысының шекарасынан Чкалово ауылына дейін);
— Р-11 «Көкшетау-Рузаевка» 61-91 шақырымында (Ақмола облысының шекарасынан Саумалкөл ауылына дейін).
