Облыстың Құрметті азаматы, соғыс ардагері, өңіріміздің белгілі өлкетанушысы, Қазақстан Республикасы Журналистер одағының мүшесі Сергей Пресняков дүниеден озды, деп хабарлайды Qyzyljarnews.kz тілшісі.
Өткен жылы Сергей Михайлович 100 жасқа келген мерейтойын атап өткен болатын. Ол еліміздің дамуына сүбелі үлес қосты.Сергей Пресняков көптеген тарихи оқиғалардың куәсі. 19 жасында майданға шақырылып, Мәскеу түбіндегі шайқастарға, Батыс және Солтүстік-Батыс майдандарында 38-атқыштар бригадасы құрамында ерлік көрсетті.
Оның соғыстағы еңбегі еленіп, Сергей Пресняков адал еңбегі үшін «екінші дәрежелі ҰОС», «Еңбек Қызыл Ту» ордендерімен, төрт «Құрмет Белгісі» орденімен марапатталған. Соғыстан кейін партия органдарында еңбек етіп, ардагерлер ұйымын басқарды. Сергей Михайлович өмірінің көп бөлігін біздің өлкеміздің тарихын зерттеуге арнады. Ол Солтүстік Қазақстанның өлкетану тарихының бастауында тұрды. Еліміздің тарихы туралы көптеген авторлық кітаптар жазды.
