Бір жылда жүк тасымалдау, көлік түріне қарамастан 2,8%-ға төмендеді. Осы кезеңде барлығы 3,8 млрд. тонна жүк тасымалданды, деген ақпаратты Ұлттық статистика таратуда, деп хабарлайды Qyzyljarnews.kz тілшісі.
Жүк тасымалының негізгі үлесі автомобиль жүк көлігіне тиесілі – 82,5%, мұнда 3,2 млрд. тонна жүк тасымалданған.
Өткен жылы жүк айналымы 603 млрд. теңгені құрады. Оның ішінде темір жол жүк айналымы 311 926 млн. теңге (2021 жылғы қаңтар-желтоқсанмен салыстырғанда 4,3%-ға өсті), автомобиль көлігі – 146 227 млн теңге (7,6%-ға азайды).
Елімізде жүк тасымалдау көлемі қысқарды. Сонымен қатар, кәсіпорындардың жүк және багажды тасымалдаудан түскен кірісі бір жылда 12,5%-ға өсіп, 3 264 млрд. теңгені құрады.
2022 жылдың 20 қыркүйегінде Қазақстанда халықаралық тасымал жүргізушілерінің еңбек және демалыс нормалары өзгеретіні белгілі болды.
