Мемлекеттік кірістер комитеті борышкердің қаржылық жағдайына мониторинг жүргізу қағидалары мен мерзімдерін бекіту туралы бұйрық әзірледі, деп хабарлайды Qyzyljarnews.kz тілшісі.
Құжат борышкердің қаржылық жағдайына мониторинг, сондай-ақ оның нәтижелері рәсімді тоқтатуға немесе банкрот міндеттемелерін тоқтатудан бас тартуға негіз болатын, борышкердің кредиторлар алдындағы міндеттемелерді орындаудан жалтаруы мақсатында жеке мүдделері үшін жасаған әрекеттеріне тексеру жүргізу тәртібі мен мерзімдерін айқындайды.
Борышкердің соттан тыс және сот арқылы банкроттық рәсімдерін борышкердің тіркелген жері бойынша мемлекеттік кірістер органдары іске асырады.
Борышкердің қаржылық жағдайына мониторинг жүргізу шеңберінде мемлекеттік кірістер органдары:
— соттан тыс және сот арқылы банкроттық рәсімін қолданылғанға дейінгі соңғы 3 жылға – соттан тыс банкроттық қолданылған және сот банкроттығы рәсімін қолдану туралы шешім заңды күшіне енген күннен бастап күнтізбелік 30 күн ішінде;
— соттан тыс және сот арқылы банкроттық рәсімі кезеңінде – тоқсан сайын, есепті кезең аяқталғанға дейін күнтізбелік 10 күн ішінде борышкердің қаржы-шаруашылық қызметіне талдау жүргізу арқылы оның кредиторлар алдындағы міндеттемелерін орындаудан жалтару белгілерін анықтайды.
Борышкердің кредиторлар алдындағы міндеттемелерін орындаудан жалтару белгілерінің бар екендігін куәландыратын фактілерге:
— мүлікті немесе мүліктік міндеттемелерді, мүлік, оның мөлшері, тұрған жері туралы мәліметтерді не мүлік туралы өзге де ақпаратты жасыру, мүлікті өзгенің иеленуіне беру, мүлікті иеліктен шығару немесе жою;
— мүлік туралы мәліметтерді көрсететін құжаттарды жасыру, жою, бұрмалау жатады.
Борышкердің кредиторлар алдындағы міндеттемелерін орындаудан жалтару белгілерін анықтау мынадай дереккөздерде:
— мемлекеттік кірістер органдарының ақпараттық жүйелерінде;
— Қазақстан Республикасының заңнамасында белгіленген өз құзыреті шегінде өзге де мемлекеттік органдарында;
— сот органдарында бар борышкерге қатысты деректер мен құжаттарды зерделеу және талдау арқылы іске асырылады.
Қажет болған жағдайда мемлекеттік кірістер органдары борышкердің кредиторлар алдындағы міндеттемелерін орындаудан жалтару белгілерін және төлем қабілетсіздігінің туындау себептерін объективті бағалауға қажетті мәліметтерді алу үшін мемлекеттік органдарға және ұйымдарға, шет мемлекеттердің ұйымдарына сұрау салу жібереді.
Борышкерінің қаржы-шаруашылық қызметін талдау қорытындысы бойынша мемлекеттік кірістер органдары мынадай құжаттардың бірін:
— борышкердің кредиторлар алдындағы міндеттемелерді орындаудан жалтару белгілерінің болуы туралы қорытындыны;
— борышкердің кредиторлар алдындағы міндеттемелерін орындаудан жалтару белгілерінің болмауы туралы анықтаманы жасайды.
Қорытындының және анықтаманың бір данасы МКО номенклатуралық істерінде сақталады, ал екінші дана борышкерге жіберіледі.
Мемлекеттік кірістер органы қорытынды жасалған күннен бастап 3 жұмыс күні ішінде:
— Қазақстан Республикасы Әкімшілік құқық бұзушылық туралы кодексінің 182-бабы бойынша Әкімшілік құқық бұзушылық туралы хаттама жасайды және шешім қабылдау үшін материалдарды сотқа береді;
— Қорытындының немесе анықтаманың көшірмесін Қазақстан Республикасы Қаржы министрлігінің Мемлекеттік кірістер комитетіне жібереді.
Құжат 8 ақпанға дейін талқылау үшін Ашық НҚА сайтында жарияланды.
