СҚО-да полицейлер бұған дейін іздеу жарияланған Алена Пяткованың табылғанын айтты, деп хабарлайды Qyzyljarnews.kz тілшісі.
Солтүстік Қазақстан облысы полиция департаменті баспасөз қызметінің мәліметінше, қаңтардың 10-ы Мамлют қаласындағы үйінен Петропавлға жол тартып хабарсыз кеткен 1999 жылғы бойжеткен жақында табылды.
– Әйелдің туыстары оны бастапқыда өз күшімен іздеп табуға тырысқан. Бұдан түк шықпаған соң тек қаңтардың 16-сы күні аудандық полиция бөліміне жүгінген. Қазіргі уақытта жоғалған қызды полицейлер Петропавл қаласында екенін анықтады. Одан жауап алынып, табылғаны туралы туыстарына хабарланды. Бүгінгі таңда оның жоғалуының басқа да мән-жайы анықталып жатыр, — делінген баспасөз хабарламасында.
Ал 47 жастағы Мұрат Мұханжаров әлі күнге дейін хабар-ошарсыз екенін айта кеткен жөн. Петропавл тұрғыны қазан айынан бастап іздестіріліп жатыр. Туыстарының айтуынша, соңғы рет ер адам телефон арқылы байланысқа шығып, Булаев қаласында жұмыс істеп жатқанын айтқан. Кейін телефоны сөндірулі болған. Жоғалған ер адамды көрген-білгендер болса, 8 775 152 07 52, 8 775 631 48 11 және волонтерлердің 8 777 307 99 65, 8 926 626 64 33 нөміріне немесе 102-ге хабарласа алады.
