«Digital Almaty» форумында сөйлеген ҚР Цифрлық даму, инновациялар және аэроғарыш өнеркәсібі министрі Бағдат Мусин биылдың өзінде қазақстандық әйелдер декреттік жәрдемақыны бір сағаттың ішінде ала алатынын айтты, деп хабарлайды Qyzyljarnews.kz тілшісі.
Министрдің айтуынша, қазір бала күтіміне байланысты жәрдемақы алу рәсімі 15 күнге дейін созылады.
– Биыл біз босанғанға дейінгі жәрдемақыны алуды бір сағатқа дейін қысқартамыз. Жас отбасылар халыққа қызмет көрсету орталықтарына қалай барып, кезекке тұруды ойламай, балаларына қалай уақыт бөлуді ойласын, – деді ҚР Цифрлық даму, инновациялар және аэроғарыш өнеркәсібі министрі Бағдат Мусин.
Минстрдің сөзінше, «eGov.kz» қазақстандықтарға маңызды және есте қаларлық күндер жайлы ақпараттарды тарататын болдаы. Енді қолданушыларды баланың дүниеге келуімен құттықтайды.
– Мамыр айынан бастап біз де сізді үйлену тойыңыздың мерейтойымен құттықтауға кірісеміз. Кейбір өмірлік жағдайларды еске түсіреміз. Тұрғындар мен отбасылардың бақытын ойлайтын мемлекет болу керек деп санаймын, – деді Бағдат Мусин.
