Облыс мектептерінде оқитын оқушылардың 80 пайызы түрлі үйірмелерге қатысады. Ол шамамен 59,5 мың баланы құрап отыр, деп хабарлайды Qyzyljarnews.kz тілшісі.
Петропавлдағы Оқушылар сарайының өзінде 6 бағыт бойынша 96 үйірме жұмыс істейді. Көбіне балалар роботехникаға қызығушылық танытуда. Өткен жылы бұл қосымша білім беру мекемесінде робототехникаға арналған оқу-әдістемелік орталығы ашылды. Оған оқушылардан бөлек, өңірдің педагогтары да келіп, теориялық және тәжірибелік біліктіліктерін арттырып келеді.
– Білім басқармасының негізгі бағытының бірі – қала мен ауыл арасындағы алшақтықты жою. Биыл бұл мақсатта Есіл ауданының Явленка ауылында қосымша білім беру орталығын ашу жоспарда бар. Елді мекендегі ғимараттың бірін қайта жаңартып, 150-ден астам балаланы 10-ға жуық үйірмеге тартуды көздейміз. Ол үшін 106,9 млн. теңге бөлінеді, – дейді СҚО білім басқармасының жетекшісі Нәзір Жәшібеков.
