СҚО прокуратурасы спорт саласындағы жалақыны есептеудің заңдылығын тексеруде

СҚО прокуратурасы дене шынықтыру және спорт саласындағы заңнаманы сақтау бойынша талдау жүргізіліп жатқанын хабарлады, деп хабарлайды Qyzyljarnews.kz тілшісі.

Қадағалау органының ақпараты бойынша, дене шынықтыру және спорт басқармасында және оның ведомстволық бағынысты ұйымдарында бюджет қаражатының пайдаланылуы талданатын болады. Прокурорлар жалақыны есептеудің және спорттық разрядтарды берудің заңдылығы мәселелерін қамтуға ниетті. Осыдан кейін лауазымды тұлғалардың іс-әрекеттеріне тиісті құқықтық баға беріледі. Естеріңізге салсақ, бұған дейін әлеуметтік желі пайдаланушылары спорт саласындағы біліктілігі жеткіліксіз жаттықтырушыларға заңсыз жалақы төленіп жүргендігі туралы шағым айтқан еді.