Қазақстан Республикасы Ішкі істер министрінің бірінші орынбасары Марат Қожаев 2023 жылғы 14 ақпандағы үкімет отырысында Петропавл мектебінде болған төтенше жағдай фактісі бойынша қылмыстық іс қозғалғанын мәлімдеді, деп хабарлайды Qyzyljarnews.kz тілшісі.
— Оқушының қолында қолдан жасалған маска мен пышақ болды. Дәретханада бетперде киіп, одан кейін балтамен дәлізге жүгіріп шығып, осы мектептің оқушысының иығынан екі рет, сосын қызды ұрған,- деді Марат Қожаев.
Оның айтуынша, шабуыл жасаған адамды жоғары сынып оқушылары мен мұғалім ұстаған.
— Онда 42 бейнебақылау камерасы, бес дүрбелең түймесі бар. Тергеу барысы бақылауға алынды. Оның қорытындысы бойынша қылмыс жасауға ықпал еткен мән-жайларды және басқа да анықталған бұзушылықтарды жою бойынша таныстырылым жасалады,- деді Марат Қожаев.
