Петропавлда Борки кентіндегі шаңғы трассасында Солтүстік Қазақстан облысының құқық қорғау құрылымдарының қызметкерлері арасында “Динамо” дене шынықтыру – спорт қоғамының дәстүрлі спартакиадасы басталды, деп хабарлайды Qyzyljarnews.kz тілшісі.
Биылғы жылы полицияның нәзік жанды өкілдері екі орынды иеленіп, ер адамдарды артта қалдырды. Әйелдер жарысында үшінші болып Мамлют ауданының ПБ қызметкері Юлия Волошина мәреге жетсе, СҚО ПД аппаратының қызметкері Татьяна Долбышева жарыстың сөзсіз көшбасшысы атанды.
– Спортпен шұғылдану құқықтық тәртіп сақшыларына жақсы дене шынықтыруға көмектеседі және салауатты өмір салтын насихаттауға ықпал етеді. Жарысқа облыстың күш құрылымдарының 16 дене шынықтыру ұжымы қатысты. “Динамо” ДШСҚ спартакиадасы 7 спорт түрін қамтиды, келесі кезекте волейболдан жарыстар өтеді, олар наурыз айының басында жоспарланған, — дейді СҚО ПД арнайы және жұмылдыру дайындығы басқармасы бастығының орынбасары Орал Хамзин.
Фото: СҚО ПД баспасөз қызметі
