277
Жыл басынан облыста 74 өрт оқиғасы тіркеліп, 8 адам қаза тапты, деп хабарлайды Qyzyljarnews.kz тілшісі.
Облыстық төтенше жағдайлар жөніндегі департаменттің мәліметінше, қаңтар айынан бастап өңірде өрт оқиғалары жиіледі. Қызыл жалын салдарынан келтірілген материалдық шығын көлемі 20 млн. теңгеге жуықтады.
– Тілсіз жау негізінен жеке тұрғын үй секторында орын алып, салдарынан 55 баспана өртенді. Құтқарушылар 7 адамды ажалдан арашалап алып қалды, , 322 адам қауіпсіз жерге шығарылды, – дейді СҚО ТЖД басқармасының бастығы Олжас Жүніс.
Олжас Жүністің сөзінше, биыл Аққайың ауданының өзінде 10 өрт оқиғасы тіркеліп, қызыл жалын 1 адамның өмірін қиған.
