Өткен жылы өңір диқандары 81 млрд. теңгенің 2408 техникасын сатып алды. Ауыл шаруашылығына қажетті көліктер мен құрал-жабдықтарды жаңарту жұмыстары Ақжар, Уәлиханов, Есіл және Шал ақын аудандарында сылбырт жүргізілуде, деп хабарлайды Qyzyljarnews.kz тілшісі.
Облыстық ауыл шаруашылығы және жер қатынастары басқармасының мәліметінше, тозығы жеткен техниканы есептен шығару да, қазіргі таңда өзекті мәселелердің бірі. Өткен жылдың қорытындысы бойынша агроқұрылым басшылары 2841 техниканы және құрал-саймандарды есептен шығарған. Бұл негізгі жоспардың 75 пайызын құрайды. Облыста жалпы ауыл шаруашылығы техникасының 73,4 пайызы 10 жылдан астам уақыт пайдаланылып келеді. Ал тракторлардың 75 пайызы, комбайндардың 67 пайызы осыншама уақыт шаруашылықтарда пайдаға жаратылған. Техниканы есептен шығару бойынша Шал Ақын ауданы мен Есіл ауданынында көрсеткіштер төмен. Биыл жалпы сомасы 69,5 млрд. теңгеге 2370 жаңа техника мен құрал-жабдық сатып алу жоспарланған.
