СҚО жұмыртқа өндірісі бойынша республикада 3-ші орында келе жатыр

Өткен жылдың 12 айы ішінде облыста сүт 2 пайыз артық өнідіріліп, 647,8 мың тоннаны құрады, деп хабарлайды Qyzyljarnews.kz тілшісі.

Ал жұмыртқаның –705,7 млн. данасы, 110,7 мың тонна мал мен құс еті саудаға шығарылды.

– Қазір құс фабрикаларының жұмысы қарқын алды. Жұмыртқа өндірісінен облысымыз республикада үшінші орында. Үстіміздегі жылдың 1 қаңтарындағы есеп бойынша, өңірдегі ірі қара мал саны 405,9 мыңға жеткен, қой – 447 мың, жылқы – 154,3 мың, құс 4234,2 мың бас, – дейді Стратегиялық жоспарлау және реформалар агенттігі Ұлттық статистика бюросының облыстық департаменті басшысының орынбасары Марал Нұржауыпова.