Бүгін көктемгі әскерге шақыру науқаны басталды. Маусым айының соңына дейін жалғасатын шара барысында еліміздің әскери бөлімдеріне облыстан 600-ге жуық жас азамат жіберіледі, деп хабарлайды Qyzyljarnews.kz тілшісі.
Бұл науқан кезінде облыста 14 әскерге шақыру комиссиясы жұмыс істейді. Оның 12-сі аудан орталықтарында шоғырланса, 1-уі – Петропавлда. Дәрігерлер мен қорғаныс істері жөніндегі мамандардың жіті тексеруінен өткендер әскер қатарына шақыртылады. Қорытындысын облыстық комиссия шешеді.
– Әскер қатарына 18 жастан асқан жас азаматтар шақыртылады. Олар медициналық және психологиялық тексерістен өтеді. Оның қорытындысы бойынша облыс тұрғындары еліміздің әскери бөлімдеріне жіберіледі. Соңғы екі жылдың ішінде болашақ сарбаздарға әскерге шақыртулар СМС түрінде ұялы телефондарға жіберілуде, – СҚО қорғаныс істері жөніндегі департамент бастығының орынбасары Марат Кәрімов.
