300
Алдағы демалыс күндері футболдан ел біріншілігі басталады. Қазақстан премьер-лигасының ойындары басталмас бұрын «Qyzyljar» клубы «Ақсу» командасымен кездесті, деп хабарлайды Qyzyljarnews.kz тілшісі.
Наурыздың 4-5 күндері аралығында футболдан ел біріншілігінің бірінші туры өтеді. Жерлестеріміз Түркиядағы өткен оқу-жаттығу жиынынан соң, павлодарлық «Ақсу» командасына қарсы жолдастық матч өткізді. Бұл ойында солтүстікқазақстандықтар 3:1 есебімен жеңіске жетті. Қызылжарлықтар сапында Максим Чиканчи дубль авторы атанса, тағы бір голды Лука Имнадзе соқты.
Жексенбі күні жерлестеріміз бірінші турда Қызылордаға аттанып, «Қайсар» командасымен кездеседі.
