8 наурыз – Халықаралық әйелдер мерекесі қарсаңында Ұлттық қауіпсіздік комитеті Солтүстік Қазақстан облысы бойынша департаментінің қызметкерлері Мағжан Жұмабаев ауданындағы өмірлік қиын жағдайға тап болған балаларды қолдау орталығының тәрбиеленушілерімен бірге Петропавл қаласының көрікті орындарын аралады, деп хабарлайды Qyzyljarnews.kz тілшісі.
Олар ең алдымен қаладағы сауда орталықтарына барып, балаларға сәнді киім сатып алды. Содан кейін қыздарға кәсіби шаш үлгісі жасалды. Орталық тәрбиеленушілері сән мектебінің өкілдерімен кездесіп, фотопозинг бойынша шеберлік сағатына қатысты. Суретке түсірудің қыр-сырына қаныққан оларды Петропавлдың ең үздік фотографтарының бірі фотосессияға шақырды. Бұл шарадан ұл балалар да қалыс қалмады. Күндерін қызықты өткізген балалар тәтті тоқаштар толы дастархан басына жиналып, қыздарға бағалы сыйлықтар мен гүлдер табысталды.
Қазақта “Жетім көрсең – жебей жүр” деген сөз бар. Жалпы департамент өкілдері әр мереке сайын өмірлік қиын жағдайға тап болған балаларды қолдау орталығының тәрбиеленушілерін назардан тыс қалдырмайды. Сыйлықтарын, тәттілерін алып барып, бүлдіршіндерді қуантуға асығып тұрады.
