284
Облыста «Mix Universal» компаниясы құрғақ құрылыс материалдарын шығара бастады, деп хабарлайды Qyzyljarnews.kz тілшісі.
«Mix Universal» компаниясының зауыты өткен жылы ашылған болатын. Басты мақсаты – шетелден жеткізілетін құрылыс материалдарды отандық өніммен алмастыру.
– Зауыт жылына 13 мың тонна құрғақ құрылыс материалдарын шығара алады. Өңірімізге құйма едендер, қабырғаларды тегістейтін гипс, газ бен көбік блокторы қажет-ақ. Бұл құрылыс саласында сұранысқа ие материалдар екені мәлім. Бұдан бөлек кәсіпорында эмульсия сырының бірнеше түрі дайындалады, – дейді облыстық кәсіпкерлік және индустриялық-инновациялық даму басқармасы басшысының міндетін атқарушы Дархан Әмірин.
