Биыл Петропавлда Горький көшесін жөндеу жұмыстары жалғасады. Бүгіннен бастап, Партизан мен Исмаилов аралығындағы жол учаскесі жабылды, деп хабарлайды Qyzyljarnews.kz тілшісі.
Қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің мәліметінше, ұзындығы 500 метрді құрайтын учаске 10 маусымға дейін жөнделеді. Осы уақыт ішінде мұндағы көлік қозғалысы шектеледі. Сол себепті де №16 қоғамдық көліктің жүру кестесі өзгертілді. Енді бұл автобус Ж.Жабаев көшесі бойымен қатынайды.
Горький көшесіндегі жол учаскесін қалыпқа келтіру жұмыстары өткен жылы басталған болатын. Биыл жұмыс жоспарына сәйкес, жол 15 метрге дейін кеңейтіліп, жаяу жүргіншілер жолы жөнделеді. Сондай-ақ жаңа аялдама павильондары қойылып, жас көшеттер отырғызылады.
