303
Петропавлдағы «С.М.Киров атындағы зауыт» АҚ-да қорғаныс саласына қажетті микросхемалар құрастырылуда. Заманауи электронды платалар әскери техникада қолданылады, деп хабарлайды Qyzyljarnews.kz тілшісі.
Жаңа электронды схемалар 16 қабаттан тұрады. Бұл платаларды әзірге ТМД-ның тек екі-ақ мемлекеті, Қазақстан мен Ресей шығарады екен.
– Микросхемалар әскери техникада қолданылады. Қорғаныс саласына қажетті платаларды тапсырыс бойынша жасаймыз. Біреуін құрастыруға 2 күн уақыт кетеді, — дейді зауыттың инженер-технологы Анна Зарецкая.
Зауыттың мамандары кең диапазонды рацияларды шығару ісін де қолға алған. Өткен жылы ҚР Қорғаныс министрлігі бұл құрылғыларды сынақтан өткізді.
