373
Петропавлда балалар мен жасөспірімдер арасында шахматтан ашық біріншілік өтуде. Оған 70-тен астам жас шахматшы қатысуға мүмкіндік алды, деп хабарлайды Qyzyljarnews.kz тілшісі.
Жарыс «рапид» ережесіне сәйкес өткізілді. Ұйымдастырушылардың айтуынша, шахмат – балалардың ой-өрісін жетілдіруге, математикалық дағдыларды қалыптастыруға көмектеседі.
– Турнир үш күнге шақталған. Алдымен аула клубтарының тәрбиеленушілері сынға түседі, кейін әуесқойлар қатысады. Жарыс Отан қорғаушы күні мен Жеңіс мерекесіне орайластырылды. Оқушылар 7 жас санаты бойынша жеңімпазды анықтайды, — дейді жарыстың төрешісі Александр Новичков.
