Петропавлда «Таза су айдындары» акциясы өтуде. Қоршаған ортаны қоқыстан тазарту мақсатында ұйымдастырылған шара аясында қаладан 8 тоннадан астам қоқыс шығарылды, деп хабарлайды Qyzyljarnews.kz тілшісі.
«Таза су айдындары» акциясы маусымның 1-не дейін жалғасады. Оған белсенді жастар мен еріктілер қатысып жатыр.
Акция аясында өңірдегі 317 су айдынының жағалаулары тазартылады. СҚО бойынша Есіл облысаралық бассейіндік балық шаруашылығы инспекциясының мәліметінше, әр көлдің иесі міндетті түрде бұл шараны өткізуге міндеттеледі.
– Бұл акция жыл сайын ұйымдастырылады. Биыл жалдап отырған 154 кәсіпкердің ішіндегі 50-і тазалық орнатуға бағытталған шараны қолдады. Қала аумағындағы Пестрое көлі мен Есіл өзенінің жағасы қоқыстан тазартылды, – дейді СҚО бойынша Есіл облысаралық бассейіндік балық шаруашылығы инспекциясының бас маманы Амангелді Қажығалиев.
