Елімізде ҰБТ мамырдың 19-ы мен шілденің 5-сі күндері аралағында өтеді. Бүгінгі уақытқа дейін тест тапсыруға 2 396 түлек өтініш білдірді, деп хабарлайды Qyzyljarnews.kz тілшісі.
Өңірлік коммуникациялар қызметінде оқу жылының аяқталуын қорытындылаған облыстық білім басқармасының басшысы Нәзір Жәшібеков, түлектер тестілеуді тапсыруға 2 әрекет жасауға құқылы және ең жақсы нәтиже бойынша гранттар конкурсына қатысу мүмкіндігі ие екенін айтты.
– Биыл ұлттық бірыңғай тестілеудің форматы өзгерген жоқ. Түлектер 5 пән бойынша тест тапсырады, оның 3-уі міндетті және 2-уі профильдік сабақтар. Сынақта барлығы 120 сұрақ, максималды 140 ұпай қарастырылған. Облысымызда ҰБТ тапсыратын екі пункт жұмыс істейтін болады. Бірі – Петропавлда, екіншісі – Ғ.Мүсірепов атындағы ауданның орталығы Новоишимка ауылында, – деді СҚО білім басқармасының жетекшісі.
Өткен жылы ҰБТ-да өңір түлектерінің орташа ұпайы – 74,96 болды.
