Солтүстік Қазақстан облысында егіс науқаны аяқталуға жақын, деп хабарлайды Qyzyljarnews.kz тілшісі.
Облыстық ауыл шаруашылығы және жер қатынастары басқармасы баспасөз қызметінің мәліметінше, бүгінде 3,2 млн. га жерге дән сіңірілген. Дәнді және дәнді-бұршақты дақылдар 2,4 млн. га немесе жалпы алқаптың 78,5%-на себілген. Майлы дақылдар – 652,5 мың га немесе 68% жерге егілді. Картоп отырғызу 25,6 мың гектарға немесе 75% — ға, көкөністер – 4,3 мың гектарға немесе 69% — ға, жемшөп – 113 мың гектарға немесе шамамен 71% — ға себілді.
Биыл жалпы егіс алқабы 4,5 млн. га құрайды, оның ішінде дәнді және дәнді-бұршақты дақылдар 3,2 млн. га, майлы дақылдар – 960 мың га, жемшөп дақылдары — 353 мың га, картоп – 34,1 мың га, көкөністер — 6,2 мың га құрамақ.
Синоптиктердің болжамы бойынша алдағы апта ыстық болады. Кей күндері сынап бағанасы +35 +37 градусқа дейін көтеріледі.
