СҚО полицейлері ел чемпионатында көпсайыстан жүлделі орындарға ие болды, деп хабарлайды Qyzyljarnews.kz.
Облыстық полиция департаменті аппаратының қызметкерлері жазғы көпсайыстан ел чемпионатында жүледегерлер қатарынан көрінді. Жарыс Қостанай облысы Лисаков қаласында ұйымдастырылды. Тәртіп сақшылары Татьяна Долбышева мен Дмитрий Шварц 24 пен 34 жас аралығындағы санатта өнер көрсетті. Көпсайыс бағдарламасына 5 спорт түрі кірді. Пагон таққан спортшылар жүзу, 100 м спринтте, граната лақтыру, ату және 2 км қашықтыққа жүгіру сындарына қатысты. Ұпай саны бойынша СҚО ПД қызметкерлері ерлер мен әйелдер арасында екінші орын алып, күміс медальдарды місе тұтты
– Спортпен шұғылдану полиция қызметкерлеріне қылмыспен тиімді күресу, құқықтық тәртіп пен қоғамдық қауіпсіздікті нығайту үшін қажетті дене шынықтыруды сақтауға көмектеседі. Мақсаттылық пен төзімділік, күш пен ептілік, өз мүмкіндіктерін сауатты бағалай білу — полиция жұмысында да қажет, – дейді СҚО ПД бастығының орынбасары Сәуле Андағұлова.
