Теологтар мен дінтанушылар, құқық қорғау органдары қызметкерлеріне экстремизмге қарсы іс-қимыл бойынша сабақ өткізді, деп хабарлайды Qyzyljarnews.kz тілшісі.
Полиция, прокуратура және басқа да мүдделі органдардың қызметкерлері облыстық ғылыми кітапхана базасында оқыту семинарының тыңдаушылары болды. Семинар СҚО әкімдігі дін істері басқармасының қолдауымен Қазақстан Республикасы Ақпарат және қоғамдық даму министрлігінің Дін істері комитеті іске асыратын жоба шеңберінде ұйымдастырылды. Спикерлер ретінде республикалық ақпараттық-түсіндіру тобының мүшелері, дін саласындағы жетекші сарапшылар сөз сөйледі. Бірқатар маңызды мәселелер қарастырылды. Оның бірі – халықпен жұмыс істеудің заманауи әдістері, интернет кеңістігінде, деструктивті діни ағымдарды жақтаушыларды анықтау тәсілдері, деструктивті діни идеологияның пайда болуы мен таралу мүмкіндіктеріне қарсы тұру.
