Қазіргі уақытқа дейін СҚО диқандары арамшөпке, зиянкестерге және түрлі ауруларға қарсы 1 млн. 300 мың гектардан астам алқапқа химиялық өңдеу жұмыстарын жүргізді. Минералды тыңайтқыштар сіңірілген жердің көлемі 1 млн. 700 мың гектардан асты, деп хабарлайды Qyzyljarnews.kz тілшісі mtrk.kz сайтына сілтеме жасап.
Биыл Есіл ауданындағы «Агрофирма Есильская» жауапкершілігі шектеулі серіктестігі шамамен 11,5 мың гектарға егін екті. Негізгі талаптарға бас мән беретін агроқұрылым жыл сайын гектарынан 20-25 центнер өнім алады. Алдағы орақ науқанында диқан бұл көрсеткіштің қайталанатынына кәміл сенеді.
– Егіс науқаны мамырдың 15-сі мен маусымның 1-і күндері аралығында өтті. Қазір алқаптарды химиялық тазарту жұмыстары жүріп жатыр. Тыңайтқыштардың арқасында өнім көлемін ұлғайтуға ниеттіміз, — дейді «Агрофирма Есильская» ЖШС директоры Серік Женапинов.
