148
Облыста эпизоотиялық жағдай тұрақты. Жануарлар мен құстардың жаппай ауру жұқтыру және өлу фактілері тіркелген жоқ, деп хабарлайды Qyzyljarnews.kz тілшісі.
Облыстық ветеринария басқармасының мәліметінше, биыл 153 ірі қарада бруцеллез ауруы анықталып, зертханалық талдаулардың нәтижесі бойынша барлығы да расталды. Жұқпалы кесел тіркелген елді мекендерде уақытылы шектеу шаралары енгізілді.
– Жыл басынан бері бруцеллезге 153 ірі қара шалдықты. Мал санитарлық союға жіберілді. Ал өткен жылы 5 айдың ішінде 650 баста қауіпті кесел анықталды. Уақытылы жүргізілген ветеринарлық-профилактикалық емдеу шаралары өз жемісін берді деуге болады, – дейді СҚО ветеринария басқармасы басшысының орынбасары Олжас Болыспаев.
