Синоптиктер демалыс күндеріне арналған ауа райы болжамын ұсынды, деп хабарлайды Qyzyljarnews.kz тілшісі.
«Қазгидромет» РМК мәліметінше, еліміздің басым бөлігінде тұрақсыз ауа райы сақталады, соған байланысты найзағай ойнап, екпінді жел соғады.
Ауа райы болжамына сәйкес, 6-7 шілдеде қатты жаңбыр жауады.
— Орталықта, оңтүстік-шығыста, 6-8 шілдеде Қазақстанның солтүстігінде, шығысында күндіз бұршақ жаууы мүмкін. Тек еліміздің батысында ауа райы жауын-шашынсыз болады деп күтілуде, — дейді синоптиктер.
Сондай-ақ ауа температурасының күндіз батыста және оңтүстікте +33 +42°С-қа дейін біртіндеп көтерілуі күтілуде.
— Республиканың қалған бөлігінде ауа температурасының аздап төмендеуі, солтүстік-батыста және орталықта +22 +35°С, солтүстікте +23 +30°С, шығыс пен оңтүстік-шығыста +20+30°С дейін күтілуде, — деді «Қазгидромет» РМК.
Елорда күні қазақстандықтар бес күндік жұмыс аптасында 6, 7, 8 және 9 шілдеде демалады. Алты күндік жұмыс аптасында демалыс күндері 6, 7 және 9 шілдеге келеді.
