СҚО ПД патрульдік полиция батальонының қызметкерлері әлеуметтік желілерге арналған бейнеролик түсіріп, «Астана – Петропавл» автожолының апаттық қауіпті учаскелері туралы айтып берді, деп хабарлайды Qyzyljarnews.kz тілшісі.
Патрульдік полиция батальонының қызметкерлері жүргізушілерді қандай қатер күтіп тұрғанын жақсы біледі. Мысалы, Чапаево мен Астраханка ауылдарының арасында жабайы жануарлар жиі жолға шығады. Содан кейін жүргізушілерді ұзақ бұрылыс күтеді. Кейбіреулер өзге көліктерді басып озуға тырысады. Мұндай әрекеттер қайғылы жағдайға әкеліп соғатын фактілер көп. Сонымен қатар, жайылымдар жолға жақын орналасқандықтан, жол бойына үй жануарларының да шығып кету қаупі бар. Жыл басынан бері Астраханка мен Аралағаш арасында 4 апат орын алып, 11 адам зардап шекті. Трассада жаяу жүргіншілер өткелдері, апаттар саны статистикалық жоғары учаскелер де бар. Облыстық полиция ведомствосының баспасөз қызметімен бірлесіп, патрульдік полиция батальонының қызметкерлері трассаның күрделі бөліктерін видеоға түсіріп, олар туралы толық айтып берді.
«Қазіргі уақытта Солтүстік Қазақстан облысының жолдарында қозғалыс қарқынының жоғары болуына байланысты күрделі жағдай қалыптасуда, – дейді СҚО ПД ППБ командирі полиция майоры Валихан Оразалин. – Жаз мезгілі – демалыс уақыты. Адамдар демалысқа, туыстарына, отбасыларымен бірге барады. Сонымен қатар, трассада көптеген транзиттік көліктер бар. Бұл бейнеэкскурсия жүргізушілерге біздің аймаққа саяхаттауда көмектеседі деп үміттенеміз. Сонымен қатар, жол қозғалысы ережелерін өрескел бұзушылықтар жол-көлік оқиғаларына әкелетінін ұмытпауларыңызды сұраймыз. Оларды қатаң сақтаңыздар, бұл сіздің жолдағы қауіпсіздігіңіздің ең сенімді кепілі».
Жыл басынан бері СҚО-да республикалық маңызы бар автожолдарда барлығы 28 ЖКО орын алып, 11 адам қаза тауып, 64 адам жарақат алды.
