121
10-12 тамызда еліміздің батысын қоспағанда, Қазақстанның барлық аумағында дерлік жаңбыр жауады деп күтілуде, деп хабарлайды Qyzyljarnews.kz.
Синоптиктердің болжауынша, ауа райына белсенді оңтүстік циклоны әсер етеді. Жаңбыр жауып, жел күшейеді, тамыз айының осы күндерінде ауа райы әдеттегіден салқын болады.
— Ұзақ аптап ыстықтан кейін Қазақстанның басым облыстары салқындайды. Батыс облыстарды қоспағанда, республика бойынша жаңбыр жауады, кей уақытта найзағай ойнап, бұршақ жауады, жел екпіні 15-25 м/с-қа дейін күшейеді. Найзағай кезінде екпінді желдің күшеюі ықтимал, — дейді «Қазгидромет» РМК мамандары.
Қазгидромет ыстық ауа райы тек еліміздің батыс өңірлерінде сақталады деп қосты.
