Облыстық әкімдікте өткен аппараттық кеңесте жылыту маусымына дайындық туралы айтылды. Белгілі болғандай, бүгінгі таңда қысқа Петропавлдағы көпқабатты үйлердің 60 пайызы әзір, деп хабарлайды Qyzyljarnews.kz тілшісі.
Облыстық энергетика және тұрғын үй-коммуналдық шаруашылығы басқармасы басшысының міндетін атқарушы Владислав Лукиннің айтуынша, өңірде 494 қазандық, 1 138 әлеуметтік мәдениет ошағы мен 1 400 көппәтерлі тұрғын үй бар. Оның 1 135-і Петропавлда орналасқан.
Облыс бойынша көмірге қажеттілік 618 мың тоннаны құрайды, оның ішінде бюджеттік ұйымдар үшін — 140 мың, халық үшін – 419 мың тонна және орталық қазандықтар үшін — 59 мың тонна.
Владислав Лукиннің сөзіне қарағанда, облыстың әр ауданында қазандықтарды дайындау жұмыстары жүргізіліп келеді. Петропавлдың өзінде жылыту маусымына әлеуметтік саланың 185 нысанын қысқы маусымға әзірлеу қажет. Қазіргі уақыта 106 білім беру нысанының 81-і, 33 денсаулық сақтау ғимаратының 26-сы дайындық паспортын алды. Мәдени ошақтың 29-ның 18-і қажетті тексерістен өтіп, тиісті құжаттары тапсырылды. Сондай-ақ 15 спорт нысанының 12-сі жылуды қабылдауға дайын.
— Әлеуметтік нысандар бойынша жылыту маусымына дайындық жоспар бойынша жүріп жатыр. 1 қыркүйекке дейін барлық ғимараттар қысқа әзір болады. Қалада 1 164 көппәтерлі үй бар. Оның 1 135 — і орталық жылыту жүйесіне қосылған. Техникалық тұрғыдан 682 үй немесе 60% жылу қабылдауға дайын, — деді В.ладислав Лукин.
Облыс әкімі Айдарбек Сапаров үйлер мен әлеуметтік нысандарды жылы
