235
Оқушылар сарайында балалардың жазғы демалысын қызықты өткізуді көздеген — «Жазғы академия» лагерінің «Дарын Life» атты 5-ші маусымы аяқталды, деп хабарлайды Qyzyljarnews.kz тілшісі.
Жазғы академияның соңғы маусымында балаларға арнап көркемдік-эстетикалық бағыттағы қызықты және танымдық сабақтар ұйымдастырылып, суреттер байқауы, би-ойын бағдарламалары, поэтикалық сағаттар, театр қойылымдары, «Ғажайып киіз» шығармашылық шеберханасына және т. б. қызыққа толы кештер өтті.
Маусымның салтанатты жабылуында балалар импровизацияланған шағын концерт ұйымдастырып, әр топ өзінің таланты мен шығармашылығын көрсетуге тырысты. Ең белсенді бүлдіршіндер «Академиктер» грамоталарымен марапатталды.
