Петропавлдағы көпқабатты үйлердің дені қыс маусымына әзір. Бүгіндері баспаналардың 82,2 пайызының жылыту жүйесі тазартылып, дайындық паспорты берілді, деп хабарлайды Qyzyljarnews.kz тілшісі.
Бұл ақпаратпен Петропавл қаласының басшысы Серік Мұхамедиев қалалық мәслихаттың VIII сессиясында бөлісті. Жиында есеп берген әкім Қызылжардың жылыту маусымына даярлығы жайлы баян етті.
— Облыс орталығындағы 934 көпқабатты үй жуып-шаю жұмыстарын жүргізді. Пәтер кооперативі төрағаларына тиісті дайындық паспорты берілді. Олар жылыту маусымына әзір. Қалғандарын алдағы уақытта тексеріп, арнайы құжаттарды береміз. Бүгіндері қаладағы 132 үйде ешбір басқару формасы жоқ екенін атап өткім келеді. Көбіне осындай баспаналардың иелері қысқа әзірлікті кеш бастайды, – дейді Серік Мұхамедиев.
Жалпы Петропавлда 1135 көпқабатты үй бар.
