Петропавлда жол қозғалысы ережесін бұзған электрлі самокаттардың жеті жүргізушісі әкімшілік жауапкершілікке тартылды, деп хабарлайды Qyzyljarnews.kz тілшісі.
Жақында Петропавл қаласында кикшеринг жүйесі қосылды. Жаңа қызметтің пайда болуымен жолда қауіпсіздік ережелерін сақтамаудың фактілері жиіледі.
– “Жол қозғалысы туралы” Заңына енгізілген түзетулерге сәйкес, шағын электр көліктерінде, электр скутерлерінде тротуарларда жүру жылдамдығы сағатына 6 км-ге дейін төмендетілуі керек, ал жолға шыққан кезде скутер жүргізушілерінде кез келген санаттағы жүргізуші куәлігі болуы керек, сондай-ақ түймеленген дулыға киюлері тиіс. Электр скутерлерінің жүргізушілерін кез келген жағдайда абайлап жүргізу стилін ұстануға шақырамыз — бұл өздері үшін және айналасындағылар үшін өте маңызды, – деп атап өтті СҚО ПД жергілікті полиция қызметі басқармасының бастығы Айдын Байматов.
СҚО-да 30 тамыздан бастап “Жол қозғалысы туралы” Заңға электр скутерлерді пайдалану бөлігінде түзетулер күшіне енген күннен бастап екі дөңгелекті көліктің осы түрінің 7 жүргізушісі әкімшілік жауапкершілікке тартылды.
СҚО-да 8 айдың ішінде өңір жолдарында 225 жол-көлік оқиғасы тіркелді. Салдарынан 28 адам қаза тауып, 327 адам жарақаттанды.
