Петропавлдағы «Отбасы банк» АҚ облыстық филиалы 33 пәтерге байқау ұйымдастырып жатыр. Оған қала тұрғындары қыркүйектің 20-сы мен 26-сы күндері өз өтініштерін қалдыра алады, деп хабарлайды Qyzyljarnews.kz тілшісі.
Жаңа көпқабатты баспана Уәлиханов көшесі 1/7 мекен жайы бойынша орналасқан. Байқау шарттарына сәйкес, үміткер әкімдікте кез келген категория бойынша кезекте тұруы тиіс, «Отбасы банкте» ашқан есепшотта пәтер бағанасының 10 пайыздық жарнасы болуы қажет. Өтінімді қалалықтар otbasybank.kz сайытында қалдыра алады. Қатысушыларды іріктеу қыркүйектің 27-сі күні өтеді.
– «Жаңа концепция» бағдарламасы облыс бойынша бірінші рет жүзеге асырылғалы отыр. Ерекшелігі – қосымша пәтерлер болғаннан кейін тұрғын қай пәтерге қатысады, сол пәтерді таңдау керек. Барлық ақпарат сайтта көрсетіледі, — дейді «Отбасы банк» АҚ СҚОФ бизнесті дамыту бөлімінің маманы Назерке Ғалым.
Пәтердің бір шаршы метрі 180 мың теңгеге бағаланып отыр. Бүгіндері үй тапсырылуға дайын.
