Облыс әкімі Ғауез Нұрмұхамбетов Петропавлдағы зауыттардың жұмысымен танысты, деп хабарлайды Qyzyljarnews.kz тілшісі.
Ең алдымен өңір басшысы мұнай өндіру саласына қондырғылар шығаратын «Мұнаймаш» кәсіпорнында болды. Зауыт жылына 10 мың сорғыш штангаларды жасайды. Кейін Ғауез Нұрмұхамбетов ламинатталған фанера өндіретін комбинатқа барды. Қазіргі күні инвесторлар ДСП әзірлейтін фабриканы тұрғызуда. Жаңа желіні олар 2024 жылы іске қосуды жоспарлап отыр.
Облыс әкімі «Петропавл ауыр машина жасау зауыты» АҚ-ға барып, ұшқышсыз ұшатын аппараттарды құрастыру барысымен танысты.
Ғауез Нұрмұхамбетов заманауи және бәсекеге қабілетті технологиялар қолданатын Киров атындағы зауыттың жұмысын да бағамдап көрді.
– Зауыттың бүкіл әлеуетін пайдалану қажет. Кәсіпорынды тапсырыспен және өнімін өткізе алатын нарықпен қамтамасыз ету керек. Жоспардың орындалуы бақылауда болғаны жөн, — деді жазды облыс әкімі.
