Облыстағы 466 үкіметтік емес ұйымның тек 395-сі ғана жұмыс істеп тұр. Оның 354-і биыл әділет органдарында тіркелген, деп хабарлайды Qyzyljarnews.kz тілшісі.
Бұл туралы облыстық қоғамдық кеңестің отырысында ішкі саясат басқармасының басшысы Асқар Хабибулин мәлім етті. Оның айтуынша, азаматтық ортаны қалыптастыру мақсатында жұмыс істеп жатқан үкіметтік емес ұйымдардың дені Петропавлда шоғырланған. 395-нің 90-ы өңір аудандарында қызметтерін жүргізіліп келеді.
– Үкіметтік емес ұйымдарды қаржыландыруға жыл сайын мемлекеттік әлеуметтік тапсырыс беріледі. Өткен жылы қоғамдық бірлестіктерге 95 жобаны жүзеге асыруға 228,4 млн. теңге бөлінсе, биыл тоғыз айдың ішінде 93 жоба мақұлданды. Бұл мақсатқа 289,9 млн. теңге қарастырылды, — дейді Асқар Хабибулин.
