Айыртау ауданының прокуратурасы аумақта қылмыс санының өсуіне байланысты, пробация қызметінде есепте тұрғандардың арасындағы құқық бұзушылықты алдын алу мақсатында көрсетілім сот отырысын өткізді, деп хабарлайды Qyzyljarnews.kz тілшісі.
СҚО прокуратурасының мәліметінше, ҚР ҚК 106-бабының 1-тармағы бойынша 4 жылға бас бостандығы шектелген К.А.В.-ға қатысты Айыртау ауданы бөлімінің пробация қызметінің жазаны ауыстыру туралы ұсынысын қарастыру бойынша көрсетілім сот отырысын өткізді.
— 2023 жылғы қыркүйекте Айыртау ауданы сотының қаулысымен бірнеше рет жазаның өтелу тәртібін бұзғаны үшін сотталған К.А.В.-ға жазасының өтелмеген 3 жыл 9 ай 12 күнін бас бостандығын айыру түріндегі жазаға ауыстырды.
Көрсетілім отырыстың өткізілуі есептегі тұлғалардың арасында қылмыстарды алдын алуға бағытталды. Сот отырысына бұрын бас бостандығынан айыру мекемелерінде жазасын өтеген 15 сотталушы қатысып, олар К.А.В.-ның іс әрекетінен дұрыс шешім шығарып және сол сияқты бұзушылыққа жол бермейді деп күтілуде, — дейді СҚО прокуратурасы мамандары.
