Петропавл қаласы әкімдігінің мәдениет, тілдерді дамыту, дене шынықтыру және спорт бөліміне жаңа басшы тағайындалды. Енді бұл қызметті Руслан Сенкебаев атқаратын болды, деп хабарлайды Qyzyljarnews.kz тілшісі.
Руслан Сенкебаев 1978 жылы Алматы облысының Шелек ауылында дүниеге келген. 1985-1995 жылдары А. Жұбанов атындағы Республикалық дарынды балаларға арналған музыка мектеп-интернатында білім алды. 1993-1995 жылдары Ш. Құдайбердиев атындағы театр студиясында «драма актері» мамандығында оқыды. 1996-2000 жылдары Т. Жүргенов атындағы Театр-Кино институтының театр факультетінің «драма және кино актері» мамандығы бойынша оқып бітірді.
Руслан Сенкебаев еңбек жолын Петропавлдағы С.Мұқанов атындағы облыстық сазды-драма театрында бастады. Әр жылдары М. Әуезов атындағы қазақ мемлекеттік драма театрының актері, «Қазмемциркте» бөлім бастығы және директордың орынбасары қызметтерін атқарған. Осы тағайындауға дейін ол Талдықорған қаласындағы Б. Римова атындағы облыстық драма театрының директоры болған.
