СҚО-да жүк көлігінің жүргізушілері қиын жағдайда көмектескен полицейлерге алғыс білдірді, деп хабарлайды Qyzyljarnews.kz.
Желтоқсанның 5-і күні тақтай жүгі тиелген «Volvo» көлігінің жүргізушісі көктайғақтың кесірінен рөлге ие бола алмай, республикалық маңызы бар «Мамлютка – Қостанай» автожолының 30 шақырымында жол жиегіне шығып қалған. Оқиға орнында Солтүстік Қазақстан облысы полиция департаменті патрульдік полиция батальонының инспекторлары Мәлік Жақыпов пен Сергей Полуяновтар көмек көрсету жұмысын ұйымдастырған. Құтқару іс-шаралары 4 күнге созылды. Көлікті жолға шығару үшін жүкті басқа көлікке қайта тиеуге тура келді. Кейін полицейлердің өтініші бойынша жергілікті билік, төтенше жағдайлар қызметкерлері және жергілікті жауапкершілігі шектеулі серіктестіктері бірінің қызметкерлері 3 бірлік ауыр техника ұсынды. Жұмысшылар қарды тазалап, ауыр жүк көлігін жолға алып шықты. Осы уақыт аралығында жергілікті тұрғындар жүргізушіні азық-түлікпен және жанар-жанармаймен қамтамасыз етті.
Мамандар 6 желтоқсан күні Сенжарка ауылының маңында жол жиегіне шығып қалған 21 тонна қиыршық тас тасымалдаған «Shacman» ірі жүк көлігін байқаған. Жүргізуші дизель жанар-жанармайының қатып қалуынан байланысты көлікті тоқтатуды көздепті. Жүргізуші туысқандарымен бірге үйге кеткен, ал полицейлер болса жүктің сақталуы мен қозғалыс қауіпсіздігін қамтамасыз ету үшін, түні бойы трассада болған.
– Бұл жағдайда да қызметкерлерге ауысым бойынша кезекшілік етуге тура келді. 10 желтоқсан күні келген фирма өкілдері жүк көлігін жылытып, жүргізуші сапарын жалғастырды. Барлық жүргізушілерді төтенше жағдайлар қызметінің болжамдары мен sms-хабарламаларын мұқият бақылауға, алыс сапарларды жоспарлауға шақырамыз. Солтүстік Қазақстанның күрт құбылмалы ауа райы жағдайында жүргізушілерден жолдарда аса назар аударуды талап ететінін есте сақтаңыз, жолда жүру ережелері талаптарын қатаң сақтаңыз, – дейді Солтүстік Қазақстан облысы полиция департаменті патрульдік полиция батальоны командирінің міндетін атқарушы Руслан Кучумов.
