Жыл басынан бері облыста автокөліктерді заңсыз жолмен қайта жабдықтаудың 200-ге жуық дерегі анықталды, деп хабарлайды Qyzyljarnews.kz.
СҚО-да көлікті заңсыз қайта жабдықтағаны үшін 198 жүргізуші әкімшілік жауапкершілікке тартылды. Полиция мен көліктік бақылаудың бірлескен рейдтері бұдан әрі де тұрақты негізде жүргізілетін болады.
– Қозғалтқышы үлкен көлік жүргізушілері көбінесе автогазды қолданады. Естеріңізге сала кетейік, қайта жабдықтау рәсімі тиісті рұқсат болған жағдайда ғана мүмкін. Заңсыз қайта жабдықтау қалыпты жұмыс режимінің бұзылуына және апат қаупіне әкелуі мүмкін, – дейді СҚО ПД ЖПҚ басқармасының бастығы Айдын Байматов.
Қосымша жарықтандыру құрылғыларын орнату, шанақтың көлемін ұлғайту және “баптаудың” басқа элементтерді орнатуға мамандардың келісімімен ғана рұқсат етіледі. Өзге жағдайда ҚР Әкімшілік құқық бұзушылық туралы Кодексінің 590-бабы бойынша жауапкершілік көзделген. 7-бөлім заңсыз қайта жабдықталған көлік құралын пайдаланғаны үшін 15 айлық есептік көрсеткіш мөлшерінде айыппұл салуды көздейді.
