2024 жылы облыстағы мектеп асханаларындағы оқушыларды тамақтандыру құны артады. Ол 500-ден 614 теңгеге өседі, деп хабарлайды Qyzyljarnews.kz тілшісі.
СҚО білім басқармасының басшысы Нәзір Жәшібековтың айтуынша, бүгіндері мектеп асханадаларындағы астың бағасын көтеру жөнінде есептер дайын. Құжатта қаңтар айынан бастап, оқушылардың тамақтану құны 614 теңге деп көрсетілген.
– Өткен жылы 20% — дан асқан инфляция коэффициентін ескере отырып және биылғы жылы бағаның өсуін бақылай отырып, инфляция коэффициенті кем болмайды деп есептейміз. Қолданыстағы баға 500 теңге, ол кәсіпкерлерге аздық етеді, — дейді «Ботақан» ҚБ төрайымы Ольга Усольцева.
Өңірде 1-4 сынып оқушылары мен әлеуметтік осал отбасылар санатына кіретін оқушылар тегін тамақпен қамтамасыз етілген.
