Мереке күндері қызылшаны жұқтырудың жаңа деректері тіркелмеді. Статистикалық мәліметтерге сәйкес, облыста жұқпалы ауруға 241 адам шалдыққан, деп хабарлайды Qyzyljarnews.kz тілшісі.
СҚО санитарлық-эпидемиологиялық бақылау департаменті мамандарының мәліметінше, қызылшаны жұқтырғандардың басым бөлігі Петропавлда, 207 дерек тіркелген. 7 жағдай – М.Жұмабаев, 6-уы – Қызылжар, 5-уі – Есіл, 4 факті – Айыртау, Аққайың және Мамлют аудандарында анықталған. Бір-бір деректен Тайынша мен Ғ.Мүсірепов атындағы аудандарда тіркелген.
– Жаңа жылдық алғашқы күндері тұрғындарда қызылшаны жұқтыру фактілері тіркелген жоқ. Бүгіндері жұқпалы дертке қарсы ақпаратты солтүстікқазақстандықтар EGU.kz сайтынан немесе 7701 жедел желісі бойынша ала алады, — дейді ведомствоның баспасөз қызметі.
