148
Мамлют ауданына қарасты Меңгесер ауылында газ баллоны жарылып, салдарынан 5 адамды термиялық күйік шалды, деп хабарлайды Qyzyljarnews.kz тілшісі.
СҚО ТЖД баспасөз қызметінің мәліметінше, оқыс оқиға жайлы хабар қаңтардың 4-і күні сағат 14:57-де «101» пультіне түскен.
– Газ-ауа қоспасының таралуынан 5 литрлік газ баллоны жарылды. Жеке тұрғын үйдің шатыры мен бір қабырғасына зақым келді. Баспанада болған 5 тұрғынды термиялық күйік шалып, 1970, 1979, 1977 жылдары туған ер адамдар, 1966 жылғы әйел, 2007 жылғы қыз бала ауруханаға жатқызылды, — дейді баспасөз қызметінің мамандары.
