️СҚО әкімі Петропавлдағы кәсіпорындарды аралап, балабақшаның құрылысымен танысты, деп хабарлайды Qyzyljarnews.kz тілшісі.
Петропавлда соңғы рет балабақша 2017 жылы ашылған болатын. Сол уақыттан бері облыс орталығында бірде-бір мектепке дейінгі білім беру нысаны салынбаған. Биыл бұл бағытта 2 жоба жүзеге асырылмақ. Оның бірі «Береке» шағынауданында 140 орынға шалқталған мекеме болмақ.
Қаланы аралау барысында СҚО әкімі Ғауез Нұрмұхамбетов балабақшаның құрылыс жұмыстарымен танысты. Сондай-ақ «Жас өркен» шағынауданында да 280 балаға шақталған мектепке дейінгі білім беру нысаны салынбақшы.
Өңір басшысы «Сұлтан ЭММК» АҚ, нан-тоқаш комбинаты және «Дез» серіктестігінде болды. Бұл кәсіпорындар макарон, нан өнімдері және ұн шығару арқылы азық-түлік қауіпсіздігін қамтамасыз етеді. Оған қоса, Ғауез Нұрмұхамбетов «IMZ-Kazakhstan» серіктестігінің мотоцикл құрастыру жұмысымен танысып, көтерме сауда орталығы және көкөніс сақтау қоймасына барды.
