96
Ауа температурасының төмендеуінен облыстағы бастауыш сынып оқушылары қашықтан оқиды, деп хабарлайды Qyzyljarnews.kz тілшісі.
СҚО білім басқармасының мәліметінше, бүгін таңертең сынап бағанасы минус 25 градусты көрсетті. Сол себепті бірінші ауысымда оқитын оқушылардың сабақтары онлайн форматқа ауыстырылды.
– Мектептердегі сабақтар қандай форматта жүргізілетіні туралы ақпаратты ата-аналар «Darmen» мобильді қосымшасы арқылы біле алады. 0-4 сыныптар аралығында оқитындар -25 градуста, 0-9 сыныптар -27 градуста және 0-11(12) сыныптар -30 градуста оқымайды. Әзірге бірінші ауысымда оқитын бастауыш сыныптардың сабақтары онлайн форматта өтеді. Екінші ауысымға қатысты ақпарат белгісіз, — дейді СҚО білім басқармасының баспасөз қызметі.
